Vi gratulerer Eid med utmerkinga som Årets TINE Fotballskule i fylket i 2011.
SFFK v/ Magne Elde heidra vinnaren med utdeling av premier som bestod av småmål og ballar. Utdelinga fann stad i samband med eit samarbeidstiltak innan spelarutvikling mellom Sunnmøre og Sogn og Fjordane, helga 6.-8.januar 2012.
Eid IL arrangerte TINE Fotballskule 10.-12.august 2011. Totalt var det 133 deltakarar, fordelt på 8 gruppar (inkl.keeperskule) og 20 instruktørar.I forkant vart det arrangert instruktørsamling, og produsert kompendium med øvingar innan ulike tema som alle skulle gjennomføre.Instruktørar var A-lagstrenar, erfarne trenarar i klubben og A-lagsspelarar (damer og herrar). I tillegg hadde klubben henta inn bygda sin eigen stoltheit, Eivind Daniel Rød (tippeligaspelar for Sogndal), samt Freddie Butler, ein fargerik profil med ansvar for fotballakademi og spelarutvikling i Sogndal.
TINE vart profilert med banner og T-skjorter og med eigen påmeldingslink og reklame på klubben si nettside. I tillegg var lokal presse tilstades på tiltaket.
Vi gratulerer Eid IL som vinnar av Årets TINE Fotballskule i Sogn og Fjordane for 2011!